Hewlên PKKê yên veqetandina Êzdiyên Şingalê bi ser neketin

yazidi-hazim-tahsin-bag-pkk-sinjar-lalish

Mîrê Êzdiyan, civîneke şêwrmendiyê li gel komeke mezin ji kesatiyên olî, civakî û serokhozên Şingalê, li mêvanxaneya perestgeha Lalişê li darxst, rêxistina PKKê jî serokhozên ku beşdarî vê civînê bûne bi xaîn nas kirin.

Hewlên rêxistina PKKê yên perçekirina rêzên Êzdiyan û veqetandina Êzdiyên Şingalê bi dawî nabin, herî dawî serokhozên Şingalê yên ku berê bi PKKê re bûn, bi Mîrê Êzdiyên cîhanî û Îraqê “Mîr Hazim Tehsîn beg” civiyan û pêwîstiya yekrêzîya mala Êzdî ji Mîr re tekez kirin.

Hazim Tehsîn Seîd “Mîrê Êzdiyan li Îraqê û cîhanê û serokê Encûmena Bilinda Rohanî ya Êzdiyan” û bi amadebûna endamên Encûmena Bilinda Rohanî, roja şemî ya rabûrî 27/8/2022ê civîneke şêwrmendiyê li gel komeke mezin ji kesatiyên olî, civakî, serokhozên Şingalê û serokhozên ku berê bi PKKê re bûn û her wiha endamên partiya “PADê” li mêvanxaneya perestgeha Lalişa noranî li darxist.

Di civênî de, pêwîstiya yekrêziya mala Êzdî, rewşa Şingalê, siyaseta PKKê ya li herêmê û navçeyên Êzdiyan û her wiha pêwîstiya cîbcîkirina “Peymana Şingalê” û vegera awareyên Êzdî, hatin nîqaş kirin.

Mîr hazim di civînê de wisa axivî:

Hewlên PKKê yên veqetandina Êzdiyên Şingalê bi ser neketin

“Piştî ku rêxistina terorîsta DAIŞê êrîşî herêmên me kirî û li Şingalê li dijî gelê me jenosîd pêk anî, em îro didin zanîn ku ji bo em dengê xwe û peyama xwe bighînin hemû cîhanê, pêwîstiya me bi hev heye û ya ku ji me re pêwîste peyman û hezkirine, ji ber ku dijminên me pirin û bi xwendina dîrokê em dizanin ku dijminên me her dem xwestine me bişkînin, ji hev cuda bikin û rêzên me parçe bikin”.

Tekez kir ku divê em bibin yek dest û dengekî bihêz li pêş Hikûmeta Federalî ya Bexdayê û Hikûmeta Herêma Kurdistanê, ji bo bidestxistina daxwaziyên xwe û bidestxistina mafên xwe yên rewa.

Wî diyar kir ku erkê mine wek Mîrê ola Êzdî û hûn jî bi rya nûnertiya civaka xwe weke ol û eşîran daxwaza mafên gelê xwe bikin û piştguh nekin û ev maf bêy bidestxistina yektiya me û yektiya gotara me, nayê bidestxistin.

Mîr got: “Ezê serdana Şingalê bikim û li benda pêkanîna Hikûmeta dahatî bim, daku serdanekê bo Bexdayê jî saz bikim, daku bi Hikûmeta Îraqê re li ser rewşa Êzdîyan li kampan û Şingalê xalan bibêjim”.

Hewlên PKKê yên veqetandina Êzdiyên Şingalê bi ser neketin

Mîrê Êzdiyan, tekezî li ser gotinên Serokê Herêma Kurdistanê, Nêçîrvan Barzanî kir ku Êzdî beşeke pêkve ya gelê Kurd in û tu kes nikare Êzdiyan ji Kurdistanê derxîne.

Di dawiya axaftina xwe de Mîr got ku jinên Êzdî yektiya xwe didomînin û em hemû ji bo jinên Êzdî bêy feriq û cudahî tevdigerin.

Kesatî û serokhozên Şingal û serokhozên ku berê bi PKKê re bûn, hevrê bûn ku sedema sereke ya çolbûna Şingalê ji boy siyaset û sitema PKKê û Heşda Şabî vedgere ku ev herdu hêzên nemeşrû li himberî avedankirin û vegera koçberan bûne astengî, hemwext bûne astengî li hemberî cîbcîkirina Peymana Şingalê.

PKKê serokhozên beşdarî civîna mîr bûyn bi xaîn naskirin

Hewlên PKKê yên veqetandina Êzdiyên Şingalê bi ser neketin

Civîna Mîrê Êzdiyan ya bi kesatî û serokhozên Şingalê, dihête wê wateyê ku hewlên PKKê yên veqetandina Êzdiyên Şingalê û perçekirina civaka Êzdî hertim wê rastî şkestinê bihên.

Girêdayî siyaseta PKKê li Şingalê, Mîrê Êzdiyan duh roja duşemî 29/8/2022ê daxuyanî ji çapemeniyê re da û got: “Heta ku PKKe û Heşda Şabî li Şingalê mabin, awareyên Êzdî dê ne amade bin ku vegerin warê xwe”.

Hemwext got: “Em ji cîbcînekirina Peymana Şingalê nîgeranin, em dixwazin Peyman were cîbcîkirin û Êzdî vegerin warê xwe”.

Hêjayî gotinê ye, çavkaniyên pêgeha “Darka Mazî” eşkere kirin ku kesatî û serokhozên Şingalê yên ku beşdarî civîna Mîr bûne, ji hêla rêxistina PKKê ve bi xaîn hatine nas kirin û PKKê ji rêzên xwe derxstine.

Pustên heman beş