Serhildana Îran û Kurdistanê ya li dijî rejîma Îranê ku 42 roj bi ser de derbas bû, zêdetir ji 272 kes ji aliyê hêzên rejîmê ve hatine şehîdkirin.
Li gor Nûçegihaniya “HRANA”yê li tevahiya Îran û Kurdistanê 272 xwenîşander bi gulleyên hêzên rejîma Îranê hatine şehîdkirin.Di nav wê amarê de 39 zarokên serhildêr hatine şehîdkirin.
Pêka vê raporê, 13993 xwenîşander ji aliyê hêzên ewlehî yên rejîmê ve hatine girtin. Nûçegihaniya HRANA dibêje di nav wan girtiyan de, tenê nasnameya 1053 kesan ji bo wan hatiye eşkerekirin.
Di 129 bajarên Îran û Kurdistanê de li dijî rejîma Îranê serhildan hebûye û 115 zanîngehên Îran û Kurdistanê jî, ji bo piştevaniya serhildanê xwenîşandan kirine.
Li gor Ajansa Nûçegihaniya “Kurdpa”yê heta niha 51 xwenîşander di nav serhildana Rojhilatê Kurdistanê de hatine şehîdkirin.
