Hikûmeta Tirkiyê îro roja yekşemê bidawîbûna lêgerîna rizgarkirina xelkê ji bin erdheja wêranker ragihand, û ev jî destpêka qonaxeke nû ya piştî erdhejê ya paqijkirina bermahiyan û paşê ji nû ve avakirinê ye.
Serokê AFADê yê Tirkiyeyê Yûnis Sezer diyar kir ku piştî erdheja ku zêdeyî 40 hezar kesî jiyana xwe ji dest da ji bilî parêzgehên Kahramanmaraş û Hatayê xebatên lêgerînê bi dawî bûne.
Yunis Sezer got ku di erdheja bi hêza 7.8 rîxter de 40 hezar û 689 kes li çend deverên Tirkîyê mirine û di 24 demjimêrên borî de ti kes di bin kavilan de nehatine dîtin.
Alîkarê Serokwezîr Fuat Oktay diyar kir ku li Tirkiyeyê 105 hezar avahî û birc ji ber erdhejê hilweşiyane yan jî zirareke mezin dîtine.
Sky News ji zarê pisporan ragihand ku rakirina mayînan dê di demek nêzîk de li Tirkiyê dest pê bike û piştre dest bi nirxandina ziyanan bike, piştî ku qonaxa nûavakirin û vejenê dest pê kir.
Texmînên ewil zirarê digihîje 40 milyar dolaran û Serokomar Recep Tayyîp Erdogan di rojên dawî de got ku pêvajoya jinûve avakirinê dê piştî hefteyekê dest pê bike.
