Şingal- Goreke komî ya kurdên êzdî hat vekirin
![yazidi-sinjar-isis-kurd](https://darkamazi.info/file/2023/03/yazidi-sinjar-isis-kurd.jpg)
Wekîlê qaymeqamê Şingalê ragihandiye, goreke komî ya kurdên êzdî li navçeya Şingalê hatiye vekirin.
Di vê derbarê de, wekîlê qaymeqamê Şingalê Nayif Seydo ji BasNewsê re ragehandiye: “Îro Şemiyê 04.03.2023ê bi amadebûna Baba Şêx û rêberên olî yên êzdiyan goreke komî li gundê Qineyê ya ser bi qeza Şingalê ve ji aliyê tîmên fermangeha gorên bikom ên Iraqê ve tên kolandin”.
Herwiha Nayif Seydo dibêje: “Hîn ne diyar e ka dê çend cenaze di gora bi kom de û û kesên di gorên komî de hatine veşartin kî ne ew dê piştî kolandinê bên eşkerekirin”.
Nayif Seydo dibêje: “Terorîstên DAIŞê li devera Qineyî ya Şingalê gelek kes kuştine û di gorên komî yên deverê de defin kirine”.