Hevserokê berê yê Partiya Demokratîk a Gelan (HDP) Selahattin Demirtaş ragihand: “Ji bo ku PKKe li Tirkiyê dest ji çekan berde, çi ji destê me bê em ê bikin.”
Selahattin Demîrtaş ku li Girtîgeha Edîrneyê zindanîkirî ye, li ser hesabê xwe yê Twitterê derbarê çekberdana PKKê de daxuyaniyek da.
Demîrtaş diyar kir: “Em soz didin gelê xwe, em ê bi hemû hêza xwe bikin ku piştî rejîma Erdogan a bi pevçûnan xwe bihêz dike, ji bo ku PKKe li Tirkiyê dest ji çekan berde, çi ji destê me bê em ê bikin û em ê tekez bi ser bikevin.”
Herwiha destnîşan kir: “Em ê tekez pirsgirêkên xwe li parlamentoyê, di çarçoveya hiqûqê de çareser bikin û aştiyeke mezin a civakî pêk bînin.”
Halkımıza sözümüz olsun, çatışmadan beslenen Erdoğan rejimi sonrasında PKK'nin Türkiye'de tümüyle silah bırakması için elimizden geleni yapacağız ve mutlaka başaracağız.
TBMM'de usulünce, hukuk çerçevesinde sorunlarımızı çözüp büyük toplumsal barışı kesinlikle sağlayacağız.
1/4
— Selahattin Demirtaş (@hdpdemirtas) April 13, 2023
