Serokê Herêma Kurdistanê Nêçîrvan Barzanî serdana Bakuyê dike û biryar e sibe sêşemê ligel Serokê Azerbaycanê bicive.
Roja Duşemê 17ê Tîrmeha 2023an, malpera Serokatiya Herêma Kurdistanê ragihand, Serokê Herêma Kurdistanê Nêçîrvan Barzanî bi serdaneke fermî diçe Azerbaycanê û sibe sêşemê 18ê Tîrmeha 2023an, li Bakuyê dê ligel Serokê Azerbaycanê Îlham Aliyev bicive.
Li gor daxuyaniya Serokatiya Herêma Kurdistanê, Serokê Herêma Kurdistanê Nêçîrvan Barzanî û Serokê Azerbaycanê Îlham Aliyev dê pêwendiyên Azerbaycanê yên ligel Iraq û Herêma Kurdistanê û pêşvebirina hevkariya hevbeş di warên cuda cuda de gotûbêj bikin.