Firokeyên şerên Tirkiyê li ser sînorê Raperînê bi nizim difirin û dest bi bombebarankirina çiyayên Qendîlê kirine.
Li gor agahiyan, balafirên şerên Tirkiyê li navçeya Mawet jî bombebaran kirine.
Li gor agahiyên ku ji çavkaniyên herêmî hatine wergirtin, îro sêşemî 3/10/2023 demjimêr 20:00ê firokeyên şerên Tirkiyê dest bi bombebaranê kirin û heta niha jî ziyanên canî û madî ne diyarin, ji bilî şikandina çend derî û pencereyên hin xaniyan li gundê Endzeyê li çiyayê Qendîlê.
Ji aliyekî din, rêveberê bajarokê Wertê yê navçeya Rewandizê, Muslih Zirar ragihand, ku gundên Bokrîskan û Zargalî yên gundê Wertê ji aliyê firokeyên Tirkiyê ve hatine bombebarankirin.
Her weha li sînorê Silêmaniyê jî firokeyên şerên Tirkiyê gundê Gelale bombebaran kirin û piştî bombebaranê jî li ser asîmanê wê herêmê difirin.
