Droneke artêşa Tirkiyeyê xaleke leşkerî ya Hêzên Sûriyeya Demokratîk (HSD) li gundewarê Hesekê kire armanc.
Rewangeha Sûrî ya Mafên Mirovan (SOHR) îro Çarşemê ragihand, droneke a Tirkiyeyê xaleke leşkerî ya HSD li bajarokê Sefiya li gundewarê Hesekê kir armanc.
Amaje bi wê kir, cihê hatiye bombebarankirin, kargeheke çêkirina qermîdan bû û niha ji aliyê HSDê ve weke baregeheke leşkerî tê bikaranîn.
Ji aliyê xwe ve, medyaya ser bi Rêveberiya Xweser belav kir, droneke Tirkiyeyê 3 caran kargeha qermîdan a li bajarokê Sefiyayê bombebaran kir û di encamê de 2 kes birîndar bûn.
Da zanîn jî, ji ber ku ew dron li asmanê deverê digere, ambulans nikarin xwe bigihînin birîndaran û wan veguhêzin.
