Wezareta Bergiriyê ya Tirkiyeyê ragihand, hejmara leşkerên ku di êrişa PKKyê de hatine kuştin gihiştiye 6an û leşkerek jî birîndar e.
Li gorî hinek çavkanî û malperên nûçeyan yên xwecihî, van şer û pevçûnan li devera Bêsosinê ya navçeya Rûbarokê ya Colemêrgê li ser sînorê bakur û başûrê Kurdistanê rû daye.
Heman çavkaniyan destnîşan kir ku 2 cerdevan jî hatine kuştin lê wezaretê li ser cerdevanan ti daxuyanî nedaye.
Wezareta Berevaniyê ya Tirkiyeyê berê ragihandibû ku di vê çalakiya gerîlayan de 4 leşkerên wan hatine kuştin 3 leşker jî hatine birîndarkirin.
Li gorî daxuyaniyê leşkerên ku hatine kuştin Ramazan Gunay, Mehmet Serînkan, Çagatay Erenoglu, Yasîn Karaca, Emre Taşkin û Îsmaîl Yazici ne.
Hat îdiakirin ku di van pevçûnan de 4 gerîlayan jî canê xwe ji dest daye.
Herwiha li aliyê din, heta niha PKKyê li ser mijarê ti daxuyanî nedaye.
