Di 29ê Adara 2024an de grûpeke çekdarên ser bi rêveberiya PYD’ê ve êrêşî ser mala endamê pa$rtiya Demokrata Kurdistan – Sûriya, li bajarokê Girkêlegê rojnamevan Rakan Ehmed, kirin, û ew rojnemavan bi rengekê hovane revandin û ber bi cihekî nediyar ve birin.
Di daxuyaniyeke taybet de bi malpera Partiya Demokrata Kurdistan – Sûriya, yekî ji malbata rojnamevan, Rakan Ehmed, got: “Ji dema revandina Rakan ve, em di rewşeke tirs de dijîn. Heya niha ti agahî li ser çarenivîs û sedema girtina wî li ber destê me nînin“.
Di heman çarçoveyê de, Encûmena Niştimanî ya Kurd li Sûriya ENKS di daxuyaniyekê de, rêveberiya PYD’ê berpirsyar dît, û bi tundî ev binpêkirinên ku li dijî mafên mirovan û dijî welatiyan, hevalên û alîgirên encûmenê şermezar kir û bang li raya giştî, rêxistinên navdewletî û hevpeymaniya navdewletî kir destwerdanê bikin da ku rê li van binpêkirinên ku rojane dubare dibin, bigrin.
