Balafirên şer yên dewleta Tirk, berpirsekî rêxistina PKKê bi navê Yusuf Kalkan ku di lîsta sor ya dewletê de ye armanc girt û kuşt.
Ajansa Anadolu ya dewleta Tirk îro roja sêşemî 23\7\2024 belav kir ku li herêma operasyona Pence – Kilît operasyoneke asmanî pêkhat û di encamê de 4 çekdarên PKKê hatine kuştin.
Destnîşan kir, yêk ji çekdarên ku di operasyonê de hatine kuştin, berpirsekî rêxistinê ye bi navê Yusuf Kalkan û navê wî di lîsta reng sor ya dewletê de cîh digre.
Artêşa Tirkiyê roja 17ê nîsana 2022an di nav axa Başûrê Kurdistanê de li dijî binke û baregehên PKKê dest bi operasyona bi navê “Pence-Kilîd” kir û operasyon heta niha berdewame. Operasyona “Pence-Kilîd” navçeyên Metîna, Zap û Avaşîn-Basyanê yên li sînorê navçeya Amêdiyê li xwe digre.
