Çiyayê li hindavî Guherzê di 3 rojên rabûrî da rastî bordomanên dijwar hatîye
![guherz-pkk-turkey-net](https://darkamazi.info/file/2024/07/guherz-pkk-turkey-info.jpg)
Bordumankirina gundên derdora Dihokê bi sedema liv û tevgerên PKKê dewam dike, di 3 rojên rabûrî de çiyayê li hindavî Guherzê rastî bordumanên dijwar hatîye.
Çavkaniyên Darka Mazî aşkere kirin, li rojên 21, 22 û îro 23 Tîrmeha 2024ê, tûnela li çiyayê hindavî gundê Guherzê li nahya Dêrelokê rastî êrîş û bordumanên dijwar hatiye û bi vî awayî:
Li 21\7\2024:
Demjimêr 8:00 û 9:45 Şevê firokên leşkirê Tirkiyê rojhelatê tûnela li hindavî gundê Guherzê li nahya Dêrelok – devera Nihêlya bordumankiriye.
Demjimêr 8:00 Şevê firokên leşkirê Tirkiyê gundê Gîzê – devera Berê Gare bordumankiriye.
Li 22\7\2024:
Demjimêr 7:20 Mexreb firokên leşkirê Tirkiyê dîsa tûnela çekdarên PKKê li hindavî gundê Guherzê bordumankiriye û paşî li demjimêr 9:00 Şevê helîkopteran bi çeka doşkê êrîşî heman tûnelê kiriye.
Li 23\7\2024:
Demjimêr 12:15 Helîkopterên artêşa Tirkiyê êrîşî Şikefta Babekra li geliyê gundê Bazê – Nahya Kanî Masê kiriye.
Artêşa Tirkiyê pêtirî mehekê ye êrîşeke dijwar li dijî rêxistina PKKê li Başûrê Kurdistanê da ye destpêkirin, rojane gundên sînorê parêzgeha Dihokê bi sedema liv û tevgerên PKKê dikevin ber êrîşan û rûberên herî berfereh yên aqarên gundên Dihokê şewtîne û zirarek mezin çêbûye.