Fermandariya operasyonên rojavayê Nînowa hişyarî da ku endamên DAIŞê dixwezin xwe bigehînin Iraqê ku xwedî nasnameya Iraqê ne û vê dawiyê ji aliyê îdareya xweser a bakur û rojhilatê Sûriyê ve hatine azadkirin.
Roja 17.07.2024ê îdareya xweser a Rojavayê Kurdistanê yasaya jêborîna giştî ji bo wan tewanan pejirand ku yasaya dijeteror a bi hejmara 7 a sala 2024ê wan li xwe digre.
Yasa ji 6 madeyan pêkhatiye, ku cezayê nîv zîndanîkirina demkî û guhertina cezayê heta hetayî ku dibe 15 sal zîndanîkirinê. Herwaha efûya li hemû cezayên demkî û heta hetayî ji bo wan cezayan tê dayîn ku nexwaşiyên kujer wan hebe û ewên ku temenên wan li jor 75 salî be.
Ev jêborîn û efû ku bi rêya navbeynkariya eşîretên ereb li gel îdareya xweser a Rojavayê Kurdistanê ve hatiye pêkanîn, ku îdare girêdaye bi biryarên Qendîl û PKKê ve, emîr û rêveberên rêxistina terorîst û ewên ku beşdarin li bombebaran û dijminatiya dijî Hêzên Sûriya Demokrat (HSD)ê û herwaha ew tewanên ku bûne sedemê can ji dest dana kesekî li xwe digre.
Hejmara wan kesên ji ber wê biryara efû û jêborînê hatine azadkirin geheştiye zêdetirî hezar kesan û ji wê hejmarê jî li gor zanyariyan 470 kes Iraqî bûn û hejmarek ji wan kesên hatine azadkirin jî hewla wegerê û derbasbûna bo nav axa Iraqê didin.
Li gor zanyariyên ewlehiyê hejmarek ji wan DAIŞiyên hatine azadkirin hewl dane xwe bigehînin nav axa Iraqê û ji ber wê jî fermandariya operasyonên rojavayê Nînowayê di peyamekî de daxwaza wergirtina tevdîr û rênîşanderiyên xwe parastinê û hişyariyê daye hêzên ewlehiyê.
