Li ser raspardeya Serokê Hikûmeta Herêma Kurdistanê Mesrûr Barzanî, xaniyek wekî diyarî pêşkêşî Daye Şemê ya xwediya 33 şehîdên destê DAIŞê hat kirin.
Daye Şemê û malabata xwe her duh (Çarşem, 24.07.2024) ji kempa Çemmişko derkeftin û çûn nav xaniyê xwe yê nû, ku dikeve navenda bajarê Dihokê.
Parêzgerê Dihokê Elî Teter di wî warî de ragehand, “Daye Şemê û malbata xwe hejî wî xanî ne û gelek qurbanî ji bo axa Herêma Kurdistanê dane.” Herwesa got, “Serokwezîr Mesrûr Barzanî em raspartine ku li ser xizmetkirina tevaya xûşk û birayên Êzidî berdewam bin.”
