Wezîrê Karên Navxweyî yê Tirkiyeyê ragihand, li Berwariya Sêrtê li hember PKKê operasyoneke leşkerî hatiye kirin û di encama operasyonê de, 4 endamên PKKê hatine bêbandorkirin.
Wezîrê Karên Navxweyî yê Tirkiyeyê Alî Yerlîkaya ji hesabê xwe yê “X” ragihand, li bejahiya Berwariya Sêrtê li hember PKKê operasyonek serbazî hatiye kirin ku di encama operasyonê de, 4 endamên PKKê hatine bêbandorkirin ku ji 2 ji wan di lîsteya pirteqalî de û 2 jî di lîsteya gewr de cih digirtin.
Nav û nasnavên kesên di lîsteya pirteqalî de cih digirtin wisa ne: Semra Ayverdî ku nasnava wê Benda Amed û Seyîthan Sencer ku nasnavê wî Baran Hemlîn. Kesên di lîsteya gewr de jî, Yakup Nîşo nasnavê wî Sari Îbrahîm û Bîşenk Dûrmûş nasnava wê Destîna Botan in.
Daxuyaniya Wezîrê Karên Navxweyî de bal tê kêşan ku kesên hatine bêbandorkirin di çalakiyên kuştina 6 endamên hêzên ewlekarî û 5 sivîlan de û birîndarkirina 6 hêzên ewlekariyê û 11 sivîlan de cih girtine.
