Du kolberên Kurd ên Rojhilatê Kurdistanê li ser sînorê Rojhilat û Başûrê Kurdistanê ji aliyê hêzên çekdar ên Îranê ve hatin kuştin û çar kolber jî birîndar bûn.
Rêxistina Mafên Mirovan (Hengaw) belav kir, hêzên ewlehiyê yên Îranê îro 27ê Tîrmehê li sînorê Newsûdê kolberekî bi navê Nazim Seferî yê 26 salî dane ber guleyan û hatiye kuştin.
Da zanîn jî, li sînorê Merîwanê jî kolberekî bi navê Îhsan Newrozî yê 25 salî bi guleyên rasterast ên hêzên Îranê ve hatiye kuştin. Ew kolberê ciwan xelkê bajarê Giyelan a ser bi parêzgeha Kirmaşanê ye.
Hengawê ragehand, duhî jî 4 kolberên xelkê gundê Dişe yê ser bi bajarê Pawe ve di dema kolberiyê de bû, li sînorê Newsûdê ji aliyê hêzên çekdarên Îranê ve hatine girtin û eşkencekirin.
Hat ragehandin ew her 4 kolber ji bo dermankirinê, ji bo navendên tenduristiyê hatine rakirin.
