Hejmareke herî zêdeya ciwanên Kurd di nava PKK’ê de canê xwe ji dest dane, hin ji wan di şerê li dijî leşkerê Tirkiyê de û hin jî bi destê PKK’ê bi xwe hatine tesfiye kirin û heya niha kuştina van ciwanan nehatiye ragihandin.
Darka Mazî ji çavkaniyên xwe yên taybet li Başûrê Kurdistanê navên 18 fermandar û gerîlayan bi dest xistine ku di dema du salên raborî de jiyana xwe ji dest dane, lê belê PKK’ê tenê mirina hinek ji wan ragihandiye û kuştina piraniya yên mayî veşartî hiştiye.
Rêxistina PKK’ê her roj wêneyên komên keç û ciwanên kurdan belav dike yên ku di salên berê de feda kirîn û paş derbasbûna demek dirêj ji nû ve mirina wan îlan dike, tê texmîn kirin bi hezaran ciwanên kurd mabin ku hêjan PKK ê nasnameya wan îfşa nekiribe.
Bi awayek giştî PKK’e bi rêya van gerîlayên ku jiyana xwe wenda kirine malbatên wan bi xwe ve girê dide û di çapemeniya xwe de bazareke siyasî bi xwîna wan dike, pirr caran hin sal bi ser jiyan ji dest dana hin gerîlayan derbas dibe ji nû ve PKK’e tê û navê wan radigihîne, lê ev care Darka Mazî navê hin gerîlayên PKK ê yên ku di navbera salên 2022-2024an de canê xwe ji dest dane ligel cîh demê can ji dest dana wan eşkere dike.
Navên çekdarên PKK’ê û berpirsyariya wan di vê rêxistinê de û herêmên lê hatine kuştin bi vî awa ne:
1- Roza Ehmed, xebatkara çapemeniyê bû û her wiha pispor bû di bikaranîna çeka qenas de, di meha 12/2022an li aqarê gundê Şikeftê yê ser bi Devera Berwarî Bala hatiye kuştin.
2- Axîn Amûdê, xebatkara çapemeniya PKK’ê bû, di meha 12/2022an li aqarê gundê Şikeftê yê ser bi Devera Berwarî Bala hatiye kuştin.
3- Koçerîn Bakur, xebatkarê çapemeniya PKK’ê bû her wiha şehrezayê bikaranîna çeka qenas bû, di meha 12/2022an de li aqarê gundê Şikeftê hatiye kuştin.
4- Botan Bakur, berpirsê bêtela giştî ya hêzên taybet yên PKK’ê bû, her wiha endamê hêzên taybet bû, li Bihara sala 2023an li girê Amêdiyê hatiye kuştin.
5- Andoq Efrîn, Berpirsiyarê grûpa şer û endamê hêzên taybet yên PKK’ê bû, di Bihara sala 2023an de li girê Amêdiyê hatiye kuştin.
6- Ciwan Mêrdîn, Qerargeh Qumtan bû, endamê hêzên taybet bû, pispor bû di warê teqemeniyan de, di Bihara sala 2023an de li girê Amêdiyê hatiye kuştin.
7- Edîsa Amûdê, pispor di warê çekên giran de, di havîna sala 2023an de li girê Codî li pişta gundê Reşave yê ser bi devera Nihêliyan ve hatiye kuştin.
8- Dijwar Amed, pispor bû di warê bikaranîna çeka qenas de, di havîna sala 2023an de li girê navên-çiyayê Metîna hatiye kuştin.
9- Mesken Nsêbîn, di havîna sala 2023an de li çiyayê Metînayê hatiye kuştin.
10- Azadî Kobanî, pasewana taybet ya Bêrîtan Tarame berpirsa eyaleta Metîna bû, di havîna sala 2023an de li çiyayê Metîna hatiye kuştin.
11- Hisên Bakur, endamê hêzên taybet bû, di meha 12/2023an de li girê Amêdiyê hatiye kuştin.
12- Welat Tatwan, berpirsê grûpa şer bû, di meha 12/2023an de li girê Amêdiyê hatiye kuştin.
13- Helmet Dêrelok, di meha 12/2023an de li girê Amêdiyê hatiye kuştin, PKK’ê di roja 25/12/2023an kuştina wî eşkere kir.
14- Serxwebûn Serhed, Qerargeh Qumtan ê hêzên taybet bû, di Bihara sala 2024an de li girê Amêdiyê hatiye kuştin.
15- Xebat Ereb, endamê hêzên taybet bû, di Bihara sala 2024an de li girê Amêdiyê hatiye kuştin.
16- Evîn Bakur, endama hêzên taybet bû, di Bihara sala 2024an de li girê Amêdiyê hatiye kuştin.
17- Hewlêr Rojhilat, alîkarê berpirsê grûpa şer bû, di Bihara sala 2024an de li girê Amêdiyê hatiye kuştin.
18- Canşêr Efrîn, Berpirsiyarê grûpa şer bû, di Bihara sala 2024an de li girê amêdiyê hatiye kuştin.
