Bi sedema PKKê balafirên Tirkiyê bi dehan mûşekên din li ser gundên Dihokê barandin
Bi sedema liv û tevgerên bi guman yên PKKê, balafirên şer yên dewleta Tirk bi dehan bombe û mûşek li ser hejmareke gund û herêmên diyar yên parêzgeha Dihokê barandin.
Çavkaniyên Darka Mazî aşkere kir ji 26 heya îro 28 Tebaxê balafirên şer yên Tirkiyê hejmareka gundên Dihokê li deverên Berwarî Bala û Nihêliya borduman kirine û zirarek pir mezin bi xweza û aqarê wan herêma da ye.
Destinîşan kir, sedema êrîşên berdewam yên dewleta Tirk li ser gundên Dihokê bo liv û tevger bi guman ya çekdarên PKKê vedgere ku rêxistun dixwaze ev gund werin vala kirin û bibin qadên şer.
Gundên ku ji 26 Tebaxê ve hatine borduman kirin:
Gundê Hirorê.
Çiyayê Metîna.
Geliyê Qesirkê.
Geliyê Sipî.
Geliyê Dergela Mûsa Beg.
Gelyê Bêşîlê.
Geliyê bazê.
Tonela hindavî Guherzê.
Geliyê Hespa.
Êrîş wisa bûn:
26\8\2024:
Demjimêr 3:30 nîvro artêşa Tirkiyê bakurê gundê Hirorê li devera Berwarî Bala topbarankiriye û du gulletop li çiyayê Metîna dan e.
Demjimêr 11:10 Ta 11:45 spêdê helîkopterên artêşa Tirkiyê bi çeka doşkê teqe li geliyê Qesirkê, Geliyê Sipî, Geliyê Dergela Mûsa Beg, Geliyê Bêşîlê û Geliyê Bazê li devera Berwarî Bala kiriye, herweha 8 mûşek lêdan e.
Demjimêr 8:30 şevê helîkopterên artêşa Tirkiyê tûnela li hindavî gundê Guherzê li devera Nihêliya bordumankiriye.
27\8\2024:
Demjimêr 4:45 êvarî balafirên artêşa Tirkiyê Geliyê Hespa li devera Berwarî Bala bordumankiriye û yek mûşek lêdaye.
Demjimêr 5:10 êvarî artêşa Tirkiyê bakurê gundê Hirorê topbarankirye û du gulletop li çyayê metîna dayne.
Demjmêr 8:20 Şevê helîkopterên artêşa Tirkiyê tûnela li hindavî Guherzê bordumankiriye.
28\8\2024:
Demjimêr 12:30 şevê balafirên artêşa Tirkiyê Geliyê Hespa li devera Berwarî Bala bordumankiriye û yek mûşek lêdaye.
Demjimêr 12:48 şevê tûnela li hindavî Guherzê bordumankiriye.
Ji Gulana îsal 2024ê ve û paş dijwarbûna êrîşên dewleta Tirk, rêxistina PKKê bi enqest çekdarên xwe dişîne dorbera gundên parêzgeha Dihokê, ev gund dewam dikevin ber êrîşan û vê nîgeraniyek mezin li cem şênîyan çêkiriye û PKKe vê yekê bi zanebûn dike û dixwaze ew gund û herêmên Dihokê werin vala kirin.
