Karkerên Kurd yên çandiniyê li herêma Derya Reş li bajarê Samsûnê rastî êrîşên çekdarî û nijadperestî hatin. DEM Partî dibêje, jiyana 200 karkerên kurd di metirsiyê de ye.
Parlamentera Dem Partiyê ya Rihayê Dîlan Ayan, li ser torên civakî da xuyakirin, 200 karkerên Kurd û zar û zêçên xwe ku ji bo karên çandiniyê ji Rihayê çûne Samsûnê rastî êrişeke teqekirinê hatine.
Dîlan Ayan da zanîn, di êrîşê de gule li pencere û dîwarên xaniyên karkeran ketine û karkeran bi xwe ew dîmen gihandine wan.
Herwiha got, hêzên ewlekariyê ji dûr ve temaşeşê bûyerê kirine û rexne li desthilatê girt ku di demeke nêzîk de çendîn êrişên nijadperestî li dijî kurdan hatine kirin.
