Duh, çekdarên Partiya Yekîtiya Demokrat çar endamên revandîyên Encûmena Niştmanîya Kurdî piştî demekê ji binçavkirina bi zorê ku nêzîkî sê mehan dom kir, serbest berdan.
Kesên hatine berdan evin:
Rojnamevana Encûmena Niştîmanîya Kurd li devera Amûdê Bêrîvan Îsmaîl ku di 9/6/2024an de hatibû revandin.
Endamê partiya Yekîtiya Kurdistanê ji bajarê Amûdê Fewaz Salih Benko ku di 6/9/2024 de hatibû revandin.
Endamê Partiya Demokrata Kurdistan – Sûriya Ebdulrehman Mihemed Şenk ji gundê Guceratê ku ji 6/6/2024an ve hatiye revandin.
Endamê Partiya Demokrata Kurdistan – Sûriyê Xalid Mîro ku di 6/9/2024an de ji bajarê Dêrkê hatibû revandin.
Di vê derbarê de, berpirsê nivîsgeha peywendiyên giştî yên Şepêla Pêşeroja Kurd li Sûriyê Fadî Merî got: divê dawî li pirsa girtina kesayetiyên medyayî û siyasetmedaran bi tawanên derew bê anîn û li ser Amerîkayê ku herêm di bin bandora wan deye pêwîste bi cidî li ser vê xala bingehîn a ku aliyê din wek faktoreke fişarê bi kar tîne bixebite, û ev pêngav bê eşkerekirina çarenivîsa hemû kesên revandî û azadkirina wan ne temame, û li ser PYDê jî pêwîste ku dawiyê li dosyaya girtina kesayetiyên siyasî bîne, kesên binçavkirî hemûyan serbest berde û çarenivîsa windayan eşkere bike ji bo pêkanîna ewlehî û aramiyê li herêmê.
Fadî Merî her wiha got: em berê destpêşxer bûn û hîna jî destpêşxerin ku dawî li karesata niha were anîn, ew karesata ku gelê meyê azadîxwaz û bi rûmet westandiye, lê di heman demê de em li hember hemû kiryar û binpêkirinên ku li dijî me têne kirin wek Encûmena Niştimanîya Kurdî disekinin û ev karane nabin rêgir ku em ber bi armanca xweya mafdar ve biçin.
Hejmarek ji girtiyên din ên Encûmenê hêj di girtîgehên partiya Yekîtiya Demokrat de ne û ew jî evin:
Rojnameger Rakan Ehmed: di 29 Adara 2024 de li Girkê Lekê ji mala xwe hatiye revandin.
Merwan husên lyanî: cwanê çalak û endamê devera Girkê Lekê ya Encûmena Niştimanîya Kurdî, di 1ê Nîsana 2024an de hatiye revandin.
Hissam Dorsin: Endamê Partiya Gela Kurdistanê-Sûriye ku di 1ê Nîsana 2024an de ji bajarê Dêrikê hatiye revandin.
Rojnameger Ehmed Sofî: 2 Nîsana 2024an ji herêma Dêrikê hatiye revandin.
Fethî Sarhan Kado: Endamê Desteya Şêwirmendiya Partiya Yekîtîya Kurdistanê ku di 15ê Hezîrana 2024an de hatiye revandin.
