Komisyona Bilind a Serbixwe ya Hilbijartinan a Iraqê ragihand, kampanyaya hilbijartinên Parlamentoya Kurdistanê sibe Çarşemê 25ê Îlonê dest pê dike û dê 15ê Cotmehê bidawî bibe.
Serokê Komîsyona Bilind a Serbixwe ya Hilbijartinan a Iraqê Dadwer Omer Ehmed îro 24ê Îlonê di konferanseke rojnamevanî de ragihand, Encûmena Komisyaran îro civiya û lîsteya 1190 namzedên hilbijartinên Parlamentoya Kurdistanê pesend kirin.
Li gorî Dadwer Omer Ehmed, li gor biryara Encûmena Komîseran, sibe Çarşemê 25ê Îlonê kampanyaya hilbijartinên Parlamentoya Kurdistanê dest pê dike û dê heta 15ê Cotemehê dê berdewam be.
Herwiha got: Komisyona Bilind a Hilbijartinan ji bo cîbicîkirina bernameya helbijartinên Parlamentoya Kurdistanê ku biryare roja 20.10.2024ê birêve biçe, pêngaveke mezin avêtiye.
