Rêxistina PKKê nasnameyên 3 Gêrîlayên din aşkere kir ku li sala 2019ê li herêma Avaşîn canê xwe ji dest dane û îro paş derbasbûna 5 salan ji nû ve mirina wan ragihand.
HPGê da zanîn ku gerîlayên bi nasnavên Azad Ozgur, Rojevîn Garzan û Lorîn Bîşeng Çiriya Pêşîn a 2019an li Avaşînê canê xwe ji dest daye.
Li gorî daxuyaniyê, agahiyên li ser nasnameya gerîlayan bi vî rengî ne:
Azad Ozgur: Navê wî yê fermî Emrah Gunara ye û ew ji Wana Bakurê Kurdistanê ye.
Delîla Rojevîn Garzan: Navê wê yê fermî Fatma Kiliçarslan e û ew ji Bedlîsa Bakurê Kurdistanê ye.
Lorîn Bîşeng: Navê wê yê fermî Nezahat Çapan e û ew ji Şirnexa Bakurê Kurdistanê ye.
HPGê da zanîn ku Azad Ozgur 2yê Çiriya Pêşîn a 2019, Delîla Rojevîn Garzan û Lorîn Bîşengê jî 4ê Çiriya Pêşîn a 2019an canê xwe ji dest daye.
HPGê destnîşan kir ku Azad Ozgur 2014an û Lorîn Bîşeng jî 2015an tev li refên gerîlayan bûye.
