Barîna berfê bandoreke nebaş li gelek parêzgehên Tirkiyeyê dike. Berfa ku berdewam dike li gelek bajarên Bakurê Kurdistanê û Tirkiyeyê tesîreke neyînî li jiyanê dike.
Rêveberîya 15êmîn ya Dîyarbekirê ji bo bajarên Bakurê Kurdistanê hişyarîya berf û baraneke zêde da.
Her wiha 182 kesên ku li Sakaryayê û 12 kesên ku sê parêzgehên herêma Behra Reş li berfê de asê mabûn ji alîye tîmên AFADê ve hatin rizgarkirin.
Li Sêwasê ji ber barîna berf û bagerê, 650 kesên li ser rêyan asê mayîn ji bo parastinê ji alîye hezên ewlehîyê ve li cihên cuda cuda hatin bicîhkirin. Navenda bajarê Şirnexê jî piştî barîna berfa ewil a demsalê spî bû.
Hêjayê gotinê ye ku li Bakurê Kurdistanê û giştî li Tirkîyeyê rêyên bi sedan gund û bajarokan ji bo çûyîn û hatinê girtin û ji bo vekirina van rêyan çalakî berdewam dikin.
