Serok Barzanî di navbera siyaset, nasname û çandê de

Îro çaremîn sempozyûma Melayê Cizîrî li bajarokê Cizîra Botan, ku li parêzgeha Şirnexê ya Bakurê Kurdistanê ye, hat lidarxistin. Serok Barzanî jî tevlî vê sempozyûmê bû, ew bi coş û xiroşeke mezin ji aliyê gelê Botanê ve hat pêşwazîkirin û di vê sempozyûmê de gotareke bi qedir û qîmet pêşkêş kir.

Dane nasîna Melayê Cizîrî û “sempozyûma Melayê Cizîrî”

Melayê Cizîrî, ku navê wîyê tevahî Mela Ehmedê Cizîrîye, yek ji helbestvan û ramanwerên navdarên edebiyata kilasîka kurdîye; wî berhemên irfanî û edebîyên kûr afirandin e, nemaze di helbesta kurdîya bi zaraveyê Kurmancî de.

“Sempozyûma Melayê Cizîrî” civîneke navneteweyîye ku ji bo nirxandin û lêkolîna berhem, raman, ziman û mîrata edebî-çandîya Melayê Cizîrî tê lidarxistin; lêkolîner, nivîskar, akademîsyen û mirovên çandî ji her derê beşdar dibin, û gotar û lêkolînên li ser jiyan, helbest, raman û bandora Melayê Cizîrî tê de tên pêşkêş kirin.

Giringiya beşdarbûna Serok Mesûd Barzanî di vê sempozyûmê de ji çend aliyan ve:

1-            Xurtkirina aliyê çandî-sembolîk: dema ku kesayetek bi giraniya siyasî-civakî wekî Serok Barzanî di civînek çandî-wêjeyî de beşdar dibe, ev bûyer ne tenê bi wateya beşdarbûna kesekî tê, ew tê wateya piştgiriya siyasî ji bo ji nû ve şîrovekirin û vejandina mîrata wêjeyî-çandîya kurdan. Ev yek baldariya li ser nasname, dîrok û çanda kurdî di qada giştî û siyasî de nîşan dide.

2-            Girêdana di navbera siyaset û çandê de: li herêmekê ku mijarên etnîkî, nasnameyî û dîrokî pir hesasin, beşdariya siyasetmedarekî payebilind weke Barzanî di konferansek wêjeyî-dîrokî de dikare bibe peyamek li ser pêwîstiya baldariya li ser mîrata hevpar, diyaloga nifşan û tekez kirina li ser yekîtiya çandî di çarçoveya kurdbûnê de.

3-            Nirxdan bi sempozyûmê: Serokê zanîngehê û organîzatorên sempozyûmê hebûna Serok Barzanî wekî “çavkaniyek rûmet û nirxdanê” ji bo sempozyûmê bi nav kirine, loma hebûna serok Barzanî bala medyayê zêdetir kişand ser vê civînê û asta konferansê bilindtir kir.

4-            Nîşandana yekîtiya çandî li her çar parçeyên Kurdistanê: Cizîra Botanê li herêmeke hesase; hebûna Barzanî li wir, ji aliyê lêkolînê bêtir, peyameke siyasî-çandî ji bo civakên kurdî yên her çar parçeyên Kurdistanê hildigire, amadebûna serok Barzanî tekeziyê li ser kok, yekîtiya nasnameyê û girêdanên di navbera kurdan de dike.

Bi tekezkirina li ser mîrata wêjeyî û çandîya kurdî, Barzanî di rastiyê de hewl dide ku nasnameya etnîkî bi projeyek civakî-siyasî re bike yek; ev têkel dikare bibe sedema aramiya civakî û hevgirtina nasnameyê di navbera kurdan de.

Bi vê beşdarbûnê, ew perspektîfeke li derveyî siyaseta sade pêşkêş dike; ango, pirojeyek nasname-çandî ji bo pêşeroja Kurdistanê ku tê de çand, wêje û mîrata hevpar roleke sereke dilîzin.

Her wiha, ev beşdarbûn dikare bibe sedema xurtkirina tevgerên çandî, lêkolînî û wêjeyî di nav ciwan, akademîsyen û nivîskarên kurd de; ango, Barzanî wekî hêsankar, ne tenê hêza siyasî, lê di heman demê de qadên çandî û rewşenbîrî jî çalak dike.

Hebûna Mesûd Barzanî li sempozyûma Melayê Cizîrî ji beşdariyeka sadeya konferansê zêdetir bangek hişyariya çandî û peyamek nasnameyê ye, bîranîneke ku wêjeya kurdî û mîrata hevpara kurdan xala jihev nêzîkbûna dîrok, nasname û siyasetê ye. Ev bûyer dikare bibe çirûskek ji bo vejandina wêjeya kilasîka kurdî, lêkolîna li ser nasnameya kurdî, û ji nû ve xwendineka dîrokê – ne tenê wekî mîrateyek ji rabirdûyê, lê wekî bingehek ji bo pêşerojê.