Hemû şoreşên dîrokî yên cîhanê nagihîjin nîva şoreşa PKK’ê!!

Sebrî Ok rêveberê PKK’ê di yêk ji gotinên xwe de dbêje ku hemû şoreş û ezmûnên dîrokî yên cîhanê bi hevre naghîjin nîva ezmûna PKK’ê!.

Rastî ev e ku ev gotin rast e… heger mebesta wî azmûnên wêrankirin û karesatên li ser Kurd û Kurdistanê be.

Ji ber ku tiştê PKK’ê di nava 45 salan de pêşkêş kiriye ev e:

Azmûna herî mezin a ji destdana fersendên neteweyî.

Azmûna herî mezin a veguherandina enerjiya gelekî bo xweliyê.

Azmûna herî mezin a kuştina Kurdan bi destê Kurdan.

Azmûna herî mezin a xizmetkirina rejîmên herêmî bêyî rizgarkirina gundekî tenê.

Erê… bi rastî azmûneke “bêhempa” ye, lê di wêrankirinê de bêhempa ye ne di rizgarkirinê de.

Çawa bi azmûneke wisa serbilind dibin ku:

Gundekî kurdî tenê rizgar nekiriye.

Mafê otonomiyê bi dest nexistiye.

Nasnameyeke neteweyî bi dest nexistiye.

Saziyek neteweyî ava nekiriye.

Gel ji koçberiyê neparastiye.

Komkujiyek ranewsandiye.

Rê li ber dagirkeriyekê negiriye.

Berovajî wê:

Rojava wêran kir.

Şerê Pêşmerge kir.

Rêza Kurdî parçe kir.

Biryara Kurdî radestî Qendîlê kir.

Li dijî Herêma Kurdistanê, bi Heşda Şeibî re hevkarî kir.

Di sala 2017’an de li dijî serxwebûna Kurdistanê sekinî.

Li şûna rizgarkirinê, banga “entegrasyona” bi Tirkiyeyê re kir.

Ev ne “azmûnên şoreşgerî” ne… Ev azmûnên trajîk in ku tenê gelê Kurd bedela wê daye.

Ya ecêbtir ew e ku pê serbilind dibin!

Serbilind dibin:

Bi wan xwînên ku hatin rijandin.

Bi wan bajarên ku hatin rûxandin.

Bi wan ciwanên ku hatin windakirin.

Bi wan fersendên ku hatin wenda kirin.

Û bi wê yekê ku heta gundekî tenê jî rizgar nekirine.

Ev çi azmûn e ku bi hejmara goristanan tê pîvandin, ne bi hejmara destkeftiyan?

Ev çi azmûn e ku bi hejmara perçebûn û dubendiyan tê pîvandin, ne bi hejmara saziyan?

Ev çi azmûn e ku bi hejmara şerên navxweyî tê pîvandin, ne bi hejmara serkeftinên neteweyî?

Bi kurtasî:

Azmûnên PKK’ê nîv sedsal ji karesatan in… ne nîv sedsal ji rizgarkirinê.