Mesrûr Barzanî ji bo koça dawî ya senator Lindsey Graham peyameke sersaxiyê belav kir

Serokê Hikûmeta Herêma Kurdistanê Mesrûr Barzanî, ji ber koça dawî ya Senatorê naskirî yê Amerîkayê Lindsey Graham peyameke sersaxiyê arasteyî malbata wî û Encûmena Pîran a Amerîkayê kir. Mesrûr Barzanî di peyama xwe de destnîşan kir ku gelê Kurdistanê dê tu carî dostanî û piştgiriya berdewam a Graham ji bîr neke.

Serokwezîr Mesrûr Barzanî, îro Yekşemê (12ê Tîrmeha 2026ê) di peyama xwe ya hevxemiyê de ragihand:

“Bi xem û kovaneke mezin ve min nûçeya koça dawiyê ya senator Lindsey Graham bihîst. Ez ji dil sersaxiyê li binemala wî, ezîzên wî û serokatî û endamên Encûmena Pîran a Amerîkayê dikim. Gelê Kurdistanê her tim dostanî û piştgiriya berdewam a Graham li bîr tîne.”

Ev peyama sersaxiyê piştî daxuyaniya fermî ya Nivîsîngeha Senatorê Partiya Komarî hat belavkirin. Nivîsîngeha Graham ya li wîlayeta Karolînaya Başûr ragihand ku senatorê naskirî, duh şemiyê (11ê Tîrmeha 2026ê) danê êvarê ji ber nexweşiyeke kurt û ji nişkê ve, di 71 saliya xwe de koça dawî kiriye.