Kuweytê êrîşa bi dronê ya li ser ofîsa Mesrûr Barzanî bi tundî şermezar kir

Wezareta Derve ya Kuweytê bi daxuyaniyeke fermî, êrîşa bi dronê ya li ser axa Herêma Kurdistanê bi tundî şermezar kir û piştevaniya xwe ji bo aramyî û serweriya Iraq û Herêma Kurdistanê nîşan da.

Di daxuyaniya fermî ya Wezareta Derve ya Kuweytê de hat diyar kirin ku ew hemû kiryarên tawankarane û dijminane yên ku arambûn û îstîqrara herêmê armanc digirin, bi yekcarî red dikin. Di daxuyaniyê de hat destnîşankirin ku êrîşa li ser ofîsa taybet a Serokwezîrê Herêma Kurdistanê Mesrûr Barzanî û cihê niştecihbûna Rêveberê Ajansa Parastinê, binpêkirineke rasterast û qebûlnekirî ye.

Daxuyaniya Wezareta Derve ya Kuweytê ev xalên bingehîn li xwe digire:

Kuweyt li dijî hemû kiryarên ku zirarê digihînin serwerî, asayîş û aramiya Iraqê û Herêma Kurdistanê ye.

Daxuyaniyê bang li hemû aliyên navneteweyî kir ku li gorî rêgez û yasayên navneteweyî rêz li serweriya welatan bê girtin û parastina ewlehiya axa wan bibe peywir.

Wezareta Derve ya Kuweytê tekez kir ku parastina îstîqrara Herêma Kurdistanê beşeke bingehîn e ji ewlehiya tevahiya herêmê.