Di destpêka Îlonê de, rêberên PKKê bi xelkê Kampa Mexmûrê re civîn li dar xistin da ku şirove bikin ka kamp dê kengî û çawa were valakirin.
Di rastiyê de, yek ji mijarên herî girîng ên piştî hilweşandina PKKê rewşa xelkê Kampa Penaberan a Mexmûrê bû.
PKKe naxwaze Mexmûr were valakirin. Ev ji ber wê yekê ye ku, bi salan e, kamp wekî herêmekê ji aliyê PKKê ve ji bo armancên leşkerî, siyasî, propagandeyî û lojîstîkî tê bikaranîn.
Niha, PKKê di bin kampa Mexmûrê de toreke berfireh a tunelên binê erdê, bi qasî bajarekî, ava kiriye. Şervan di van tunelan de tên perwerdekirin, û gelek çalakiyên curbecur li wir tên meşandin.
Ji ber vê sedemê, niyeta PKKê ew e ku xelkê Mahmurê heta dawiya pêvajoyê di kampê de bihêle.
Gelê Mexmûrê, bi taybetî ciwan, dixwazin pêvajo bileztir bibe, di pêvajoyê de pêşîniyê bidin wan û da ku karibin zûtir vegerin malên xwe.
PKK bi berdewamî gel asteng dike ji ber ku ew ditirse ku xelk bi înîsiyatîfa xwe derkevin, ji ber ku bêsebiriya wan her ku diçe zêde dibe.
Herî dawî, derket holê ku Ferman Garzan, endamekî serkirdayetiya PKKê, di destpêka Îlonê de li kampa Mexmûrê bi gel re civîneke li dar xistiye, ku tê de wî diyar kiriye ku kamp dê di nav şeş mehên bê de were valakirin û gel dê vegere malên xwe.
Tê ragihandin ku Ferman Garzan ‘gel li dijî çûna bi destpêşxeriya xwe hişyar kiriye û derbarê tezmînata ku dê bistînin de agahî daye’ wan.
Ferman Garzan di civînê de îdia kir ku Iraq, Tirkiye û KDP dê ji bo xanî, baxçe û milkên din ên neguhêzbar ên ku ji hêla gel ve hatine hiştin tezmînatê bidin.
Ferman Garzan ji xelkê xwest ku bi sebir bin û got, “Di bin tu şert û mercan de divê kesek bi serê xwe dernekeve; kesên ku bêyî agahdarkirina me derdikevin, dê tezmînatê wernegirin.”
Wî her wiha ji gel re got, “Kesên ku ji bo wergirtina pasaportan çûne Tirkiyeyê, dê tezmînatê wernegirin ji ber ku ew wek penaber nayên hesibandin; ji kerema xwe pasaportên xwe bînin me da ku em karibin alîkariya we bikin.”
Lêbelê, tê ragihandin ku xelk li hember banga Ferman Garzan a “radestkirina pasaportan” ne amade ye. Xelk berdewam dike ku pasaportên xwe veşêre û dibêje, “Ew ê wan desteser bikin û dûv re careke din wan nedin me.”
Xelkê Mehmûrê hem di hundirê xwe de li dijî pêvajoya ku ji hêla Öcalan ve hatî pêşxistin bertek nîşan didin û hem jî bi fikar li benda biryara ku dê di derbarê wan de were dayîn in.
