Ser wezîrê Iraqê, îro Îsraîl bi êrîşa ser pêgehên yekîneyên heşda millî sûçbar kir, lê belê behsa çi pêrabûn û bersivdayînekê nekir, hemwext û di mijara aloziya Emerîka û Îranê de, got: derfet heye cengeke tekalî li navçeyê derkeve holê.
Adil Ebdulmehdî ê ser wezîrê Iraqa federal jibo kenala Cezîreyê daxuyanî dan û wiha axvî: Îsraîlê êrîşa ser pêge û navendên yekîneyên heşda millî kirine amanc, lêkolînan ev yek pişt rast kirine.
Di mijara pirsgirêka kendavê û aloziya nêvbera Emerîka û Îranê de, ser wezîrê Iraqê dibêje: derfet heye cengeke tekalî li navçeyê ser hilbide, li navçeyê tu wilatek şer naxwaze, tenê Îsraîl nebe.
Ebdulmehdî her wiha hat ser mijara Îran û s’ûdîyê jî û got: wan di serdana xwe a s’ûdîyê de rayedarên Rîyazê pişt rast kirine ku ew rê nadin xaka Iraqê jibo çi êrîşekê were bikar anîn, Îran û s’ûdî amadene nîqaşê dest pê bikin, lê belê hîna niha derfeta wê yekê çênebûye.
Ser wezîrê Iraqê li hefteya bûrî serdana Erebistana s’ûdîyê kir û amadeya Iraqê jibo navgîniyê li navbera Rîyazê û tehranê de nîşan da.
