Nwênerê berdewame Rûsya di Neteweyên Hevgirtî de, Vasîlî Nîbînizya ragehand: Rûsya hêvîdare valahîya desthilatê li Îraqê durist nebe û peywendî û jihev têgihîştina Hewlêr û Bexdayê berdewam be.
Roja sêşemî a bûrî, 3/12/2019 civata Asayşa nêvdewletî kom bû û di kombûnê de, nwênerê Rûsya di Neteweyên Hevgirtî de got: hêvîdarîn firakisyonên mezin ên parlemanî di wê dema ku destûrê bi wan destnîşan kirîye, kesekê bo posta serok wezîrên Îraqê destnîşan bikin û rê nedin valahîya desthilatê dirist bibe.
Vasîlî nîbînizya got jî: destnîşan kirina namzedê serok wezîran, dibe sedema burandina nakokîyên navxwe û vegerandina aramîyê bo Îraqê.
Derbarê herêma Kurdistanê û îraqê jî nwênerê Rusyayê got: di çarçoveya danûstandinên nîştîmanî de giringe danûstandinên di navebra Hewlêr û Bexdayê de berdewam bibe daku careka din ji hev têgihiştin vegere di navbera Hewlêr û Bexdayê de.
Piştî dest ji kar vekşandina serok wezîrê îraqê, Adil Ebdulmehdî li roja yekşemî ya burî, 1/12/ 2019 , ji duhî ve, serok Komarê Îraqê, Berhem Salih dest bi hewlên xwe kirîye ji bo destnîşan kirina berbijêrekî bo posta serok wezîrên îraqê.
