Li Bexdaya paytextê Îraqê ji bo fermandarê hêza Qudsê ya artêşa mihafizên şoreşa Îranê Qasim Sulêeymanî û alîkarê serokê heşda şeibî Ebu Mehdî El-Muhendisê ku di êrîşa Emerîkayê ya li texma balafirxaneya Bexdayê da hatin kuştin, merasîma oxirkirina cenaze hat kirin.
Ji bilî serok wezîrê karbirêkerê Îraqê Adil Ebdûlmehdî û serkirdeyên siyasî û serbazîyên Îraqê, hejmareke zêde ya xelkê jî beşdarî wê merasîma Oxirkirina cenazeyên kuştiyên heşda şeibî bûne.
Di merasîma cenazeyan da dirûşmên wek “ji Emerîkayê re na”, “ji Îsraîlê re na” û “şeytanê herî mezin Emerîka” hatin berizkirin.
Cenazeyên Suleyamnî û Muhendis wê bibin Kerbelayê û paşê jî cenazeyê Muhendis wê li bajarê Necefê bê veşartin û cenazeyê Qasim Suleymanî jî wê ji bo Îranê bê veguhastin û piştre wê bo bajarê Kirmanê bê veguhastin û bê veşartin ku li wî bajarî ji dayîk bûbû.
Ji ber kuştina Suleymanî li Îranê rêberê Komara Îslamî Elî Xameneyî 3 roj wek şîna neteweyî îlan kirin û di şûna Suleymanî da alîkarê wî mîrlîwa Îsmaîl Qaanî hat wezîfedarkirin.
Qasim Suleymanî, Ebu Mehdî Muhendis û hejmareke serkirdeyên heşda şeibî yên ser bi Îranê, duh li nêzî balefirxaneya Bexdayê ji aliyê balefirên bê pîlot yên Emerîkayê ve hatbûn bombebarankirin û kuştin.
