Xwepêşandan îro li Tehranê ya paytexta komara Îslamî ya Îranê dest pê kirin, xwepêşanderan silogana mirinê ji bo direwkeran di xwestin û daxwaza dest ji kar berdanê jê kirin.
Li paytexta Îranê Tehranê, li dijî xistina balefira Okrayna, îro roja şemî 11/1/2020an xwepêşandan bi dirûşmên “Mirin ji bo direwkeran” dest pê kirin.
Di xwepêşandanan de, hejmarek zêde ya welatiyan li ber zanîngeha Emîr Kebîr û pira Hafîze ya li Tehranê kom bûn û dest bi xwepêşandanan kirin.
Hat ragihandin ku hejmarek zêde ya polîs û leşkiran li ciyê xwepêşandanê belav bûne.
Xwepêşandan dirûşmên “Mirin ji bo derewkeran” dibêjin û daxwaza dest berdanê ji berpirsên Îranê dikin.
Ev xwepêşandan piştî wê yekê hatin ku sipayê Pasdarên Îranê, îro eşkere kir ku wan balefira neferhelgir ya Okraynayê xistin xwarê û di encamê de 176 kes mirin ku ji wan 82 kes welatiyên Îranê bûn.
