Seroktiya encûmena wezîrên Îraqa federal îro eşkere kir, ew dev ji biryara derxistina hêzên emerîkayê bernaden û ti gavekê paşve nahavêjin.
Berdevkê çapemeniyê yê serokwezîrtiya Îraqê di civîna çapemeniyê da got: “hikûmet di mijara biryara derxistina hêzên biyanî û hêzên emerîkayê dev ji biryara parlemenê bernade û wê bo paşve tu gavekê nehavêje”.
Der barê îdî’ayên ku bi emerîkayê re ji bo eskerên wê di çarçûveya tekoşîna dijî DAIŞ’ê da bimînin peymaneke nû hatye îmze kirin da got: “hikûmetê peymaneke wiha îmze nekir, meclisê ji bo hikûmetê wek pêşniyaz biryarek da û ew biryar jî hemû ji bo derxistina hemû hêzên biyanî ye”.
Parlemena Îraqê di rûniştna ne asayî ya ku li vê mehê hatye lidarxistin, ji bo ku hêzên biyanî û yên emerîkayê ji wilat bên derxistin bi pir dengî biryar dabû.
