Li gorey raporên medyayên lokalî yên Lîbyayê, general xelîfe Hefter li êvara roja rabûrî 27/4/2020an di peyamek vîdyoyî de ku li medyayên Lîbyayê de hat weşandin ragihand: “li gorey xwasteka hem welatiyan lihevhatina Suxeyrat ku li sala 2015an de li Mexribê hatbû îmze kirin tê helweşandin, jiberku ev lihevhatina siyasî bûye sedema wêran bûna welat û welat ber bi pêşerojek pir xeter dibe”.
General Hefter her weha ragihand: “li gorey xwasteka hem welatiyan, ez weke fermandarê arteşa netewî ya Lîbyayê perpirsatiya rêveberiya karên welat werdigirim û wê bixebitim ku pirsgirêkên gelê Lîbyayê kêm bikim û berevaniyê ji mafên wan yên rewa bikim”.
Di beşeke din a peyama xwe ya vîdyoyî de general Hefter eşkere kir, ew wê xebatê bke ku rewşek baş ji bo pêk anîna hikûmeteke ne serbazî û li gor xwasteka gel bê ava kirin.
Hefter herweha ragihand, emê berdewam bin li ser bizava xwe li dijî dewleta Wîfaq, heya ku bi temamî hemû xaka Lîbyayê azad bikîn.
