Li parêzgeha Idlibê ya li Bakurê Rojavayê Sûriyê li ser rêya karwaneke hêzên artêşa Tirkiyê teqînek çêbû û li gor agahiyan, hejmarek leşkerên Tirkiyê brîndar bûne, ku tê gotin birîna hinekan dijware.
Li gor agahiyên ji herêmê bi dest pêgeha Darka Mazî ketî, teqîn li ser rêya m4a navdewletî û di dema derbasbûna karwaneke hêzên Tirkiyê de çêbûye û di encama teqînê de hejmarek leşkerên Tirkiyê brîndar bûne, ku birîna hinekan girane.
Tê zanîn ku îro roja çarşemî dewleta dagîrkar a Tirkiyê careke din 25 erebeyên eskerî yên zirxî sewqî Idlibê kirin.
Tirkiyê heta niha gelek caran bi sedan maşîneyên zirxîyên eskerî sewqî herêma Idlibê kirine. Navenda çavdêriya mafên mirovan a sûryê (Sohir) pêş niha ragihandibû ku karwanekî eskerî yên Tirkiyê ku ji 25 erebeyan pêk dihat, bi rêya deriyê Kefer Losînê li ser sînorê bi lîwa Îskenderon, derbasî dilbê bû û berê xwe da noqteya çavdêryêya tirkyeyê a li baregeha El-Mestûmaya nêzî bajarê Idlibê. Bi vê yekê re ji 5ê Adarê heta niha 3 hezar û 460 maşîneyên eskerî yên zirxî derbasî axa Sûriyeyê bûne.
Heta niha tu aliyekê berpirsatiya armanc kirin û teqandina bombeyan li ser rêya karwanê hêzên artêşa Tirkiyê bi stoyê xwe ve negirtiye û nayê zanîn kê ev karê pêk aniye, û hejmara kuştî û birîndarên Tirkiyê çendin, bi tenê ev nebe ku birînên hinek ji wan pirr giran û dijwarin.
