Parlemena Îranê îro Mihemed Baqir Qalîbaf, fermandarê berê ê hêzên asîmanî yê supayê pasdaran, weke serokê parlemenê dest nîşan kir.
Li gor telefizyona fermî a Îranê, îro roja pêncişemî 28/5/2020an, parlemena Îranê, Mihemed Baqir Qalîbaf, fermandarê berê ê hêzên asîmanî yê supayê pasdaran weke serokê parlemenê hilbijart, 230 parlementeran ji sercema 264 parlementeran Qalîbaf erê kir.
Qalîbaf, di cenga Îraqê û Îranê de roleke diyar hebû û herweha berpirsyarê polîsên niştîmanî bû û rêzeke taybet li cem Xamineyî heye.
Li gor telefizyona Îranê, Xamineyî Serokê berê yê parlemena Îranê weke şêwirmendê xwe wezîfedar kirîye li encûmena dest nîşan kirina berjewendiyên rejîmê.
Parlemena Îranê ku ji 290 parlementeran pêk hatîye, ti roleke wiha di karên derve yên Îranê de û herweha siyaseta wê ya etomî de nîne, ji ber ku ev herdu pirs Xamineyî biryarê li ser dide.
Hilbijartinên Îranê li 21 Şubata îsal 2020an birêveçûn, li wê demê bi tementirîn parlementer Serokatîya parlemenê kir û heya îro ku Qalîbaf li ser wê kursiyê hat danîn.
