Îranê îro eşkere kir, wan cezayê bi dar vekirinê ji bo wî kesî derkir ku pêzanîn li ser ciyê Qasim Suleymanî, fermandarê berê yê feyleqa Qudsê dayîne saziyên Mossad û CIA yê.
Berdefkê desthilata dadwerî ya Îranê, Xulam Hisên Îsma’îl, îro roja sêşemî 9/6/2020an di konferenseke medyayî de eşkere kir, li rojên rabûrî wan kesek bi navê Mehmûd Mosewî bin çav kirbû û eşkere bû ku wî sîxurî ji bo saziyên îstixbaratî Mossad a Îsraîlê û CIA ya Amerîkî kirîye.
Xulam Hisên dibêje: Mehmûd Mosewî li beranber pereyan, pêzanîn li derbara ciyê Qasim Suleymanî û feyleqa Qudsê dane Îsraîl û Amerîkayê.
Dest nîşan kir, desthilata dadwerî ya Îranê ji bo vê cînayetê, cezayê bi darve kirinê ji bo Mosewî der kirîye û li wexteka nêzîk ev ceza wê were cî bi cî kirin.
Li destpêka vê salê, Qasim Suleymanî û Ebo Mehdî Muhendis, cêgirê serokê desteya heşda Şe’bî, di êrîşeke hewayî ya emerîkayê de li nêzî balefirxaneya Bexdayê hatin hedef kirin, evê yekê kirîzeke herêmê çêkiribû.
