Pompeo: ji bo serbest berdana zindaniyên Amerîkayî li Îranê tu pere me nedaye û nadîn jî.
Mayk Pompeo wezîrê karên derve yên wîlayetên yekbûîy yên Amerîkayê, tekez li ser berdewamiya danûstandinên dinavbera Amerîkayê û Îranê kir ji bo azad kirina zindaniyên din ên Amerîkayî ku niha di nava zîndanên Îranê de ne.
Pompeo roja pêncişemî 11/6/2020an di daxuyaniyekê de ragihand: “me bi zelalî ev yek diyar kiriye û ragihandiye ku ji bo azad kirina dîlên xwe (tu pareyekî) nadîn Îranê. Pêwîste Îraniyan razî bikîn ku fêm bikin (azad kirina dîlan) kareke dirust bûye û bi rê yên çalakiyên diplomatîk ev kare hatiye encamdayîn”.
Wezîrê karên derve yên Amerîkayê her weha ragihand: “foksa me li ser vê yekê ye ku kesên mayî ku hêjan dinava Îranê de ne azad bikîn û di yekemîn derfet de wan vegerînîn malên wan”.
Hêjayî gotnê ye ku di niha de çendîn hemwelatî yên Amerîkayê weke Siyamek û Baqir Nimazî, Murad Tahbaz û hinek hemwelatî yên ne amerîkî weke Nazenîn Zagirî, E’hmed Reza Celalî, Enoşe Aşorî û Kaylî Mor Gîlbirt, di Îranê de di zîndanê dene.
Şîrovekarên dewletên rojavayî dibêjin Îran ji kesên xwedî du regezname weke dîl îstîfade dike daku ji welatên rojavayî pereyan wergire.
