Ajansa fermî ya Sûriyê SANA ragihand; bi dehan barhilgirên ser bi artêşa Amerîkayê ji Iraqê derbasî nav axa Sûriyê bûne.
Îro sêşemê ajansa SANA diyar kir; karwana serbazî ya Amerîkayê ji 60 wesayîtên barhilgir pêk hatibû û çendîn otomobîlên serbazî ji bo parastina wan ligel wan bûn û hemû ser bi hêzên Amerîkayê bûn.
Herwiha hatiye eşkerekirin ku îro piştî nîvro ji Deriyê Sînorî yê Welîd ê li nahiya Ye’rûbiye ya li nêzîkî sînorê Iraqê derbas bûne û ketine nav axa Sûriyê.
Li gor ajansê, di nav wan wesayîtên barhilgir de pêwîstiyên serbazî û lojîstîk hebûn û ber bi binkeyên Amerîkayê yên li derdora Hesekê diçûn.
