Şerê li ser herêma Karabaxê ji herdû eniyên bakur û başûr dijwar dibe, wezareta bergiriyê a Ermenistanê eşkere kir, Azerbîcanê hêzeke zêde li xeta temasê kom kirîye.
Berdevka wezareta bergirîya Ermenistanê Şoşan Stîbanyan îro roja şemî 3/10/2020an eşkere kir, Azerbîcanê hêzeke herî zêde li eniyên bakur û başûr ên herêma Karabaxê û xeta temasê kom kirine û şerek dijwar îro dest pê kirîye.
Dest nîşan kir, arteşa Ermenistanê bergirîyeke bê hempa dike û rê li pêşvehatina arteşa Azerbîcanê girtîye.
Li derbara zirarên 24 demjimêrên rabûrî, Stîbanyan got ku wan 3 balefirên ceng ên Azerbîcanê têkşikandine.
Li alê din her îro wezareta bergirîya Azerbîcanê eşkere kir, hêzên wan dest danîye ser hejmareke nuqteyên arteşa Ermenistanê li xeta temasê li herêma Karabaxê û ew der paqij kirine.
Herweha li derbara zrarên ermenistanê got tenê îro wan hejmareke ‘eskeran û alavên leşkirî ji nav birne.
