Kesatîyek Êzidî ye, di şerê dijî DAÎŞ ê de weke mercaneke geş nav û dengî û şuhret ji bo çêbû, merovek pirr ecêbe her carê bi bilûlekê re di leyze, gotinên wî yên şev û rojê nakevin pey hev, pare perêse û ji bo destketiyên xwe dikare bi hêsanê miletê xwe bi xapîne û li ser birînên wan berjewendîyan bi dest bixe, tu kar nemane ku encam nedane, carna li pey rêbaza Apo, carna li pey rêbaza Mam û carna li pey Welî El Feqîh tev digere, ji hemû kasan tam kirîye, hinekî maye bi endaziyarê perçekirina civakê Êzidî were nas kirin, gelo ewî kî ye, ew Heyder Şeşo ye, mercana saxte ya Êzidîyan û leyistoka destê PKK ê ye.

Heyder Şeşo, paş drebasbûna kêmtirî salekê ji şerê terora DAÎŞ ê, hewl dan hêzeke Êzidîyan a xweser ava bike, li jêr vê sloganê nêzî 2 hezar çekdaran li xwe kom kirin, ya rast ew hêza ku bangeşe ji bo dikirî, ne hêzeke xweser bû, lê belê ji hêla Îranê, Heşda Şabî û PKK ê jêr bi jêr piştigrî ji bo dihat kirin, ev hêz pirojeya beşeka Heşda Şabî bû ji bo devera Şengalê, amanca wê ya yekem parastina berjewendiyên Îranê bû li Şengalê, mîna hevalbendên wê PKK ê û Heşda Şabî, lê li jêr nav û kirasê şerê dijî terorê û parastina rometa Êzidîyan.

Heyder Şeşo her rast qesta Bexdayê kir û piştigrîya darayî ji fermandarîya Heşda Şabî ji bo hêza xwe ya nû ku navê “Hêzên Parastina Êzidîxanê” lê kirbû, dabîn kir.

Heyder Şeşo li wê demê endamê Yekêtîya Nîştîmanî Kurdistanê bû, paş ku ev hêz ava kirî dest berdana xwe ji YNK ê îlan kir, heyama mehekê li ser çêkirina vê hêzî derbas nebû û li meha gulana sala 2015an, hêzên ewlekariyê yên Başûrê Kurdistanê, Heyder Şeşo bi cînayeta çêkirina hêzeke deryasayê û çekdar kirina gelê Êzidî di çarçûveya Heşda Şibî de, desteser kir.

Heyder Şeşo li vir her di zû de dev ji helwesta xwe ya piştigrî kirinê li Heşda Şabî berda û paş ku ji bo demekê di zîndanê de mayî, careke din derket û bi gelê Êzidî re go ku ev karekî şaş bû wî encam day û êdî “Hêzên Parastina Êzidîxanê” wê di çarçûveya wezareta Pêşmerge de li dijî terorê tev bigerin.

YNK ê desteser kirina Heyder Şeşo şermezar kir û paş ku ji zîndanê derketî û îlan kirî ku ew bûne beşek ji hêzên Pêşmerge, YNK ê ew vexwande Silêmaniyê û li wir li pêşîya medyayê got: “Ezê li pey rêbaza Mam Celal bimînim”, wî di nêvbera şev û rojekan de xwe direwand, ji ber ku wexta çêkirina hêzên Êzidîxanê wê gotbû ku tu pêwendîya wî bi YNK ê ve nemaye.

Heyder Şeşo li ser birînên Êzidîyan berjewendîyan bi dest têxe

Li dema ku Heyder Şeşo derketî û xwe weke cengawerê parastina “Êzidîxanê” nîşanî gelê xwe day, hêjan birînên gelê Êzidî yên ji sedema terora DAÎŞ ê û qetil’ama Şengalê gerim û gor bûn, Heyder Şeşo hewl dan li ser birîn û belengazîya gelê xwe berjewendîyan bi dest bixe, amanca wî bi destxistina pereyan û hêzê bû, li cem wî girîng nebû kîjan alî wê piştgirîya wî bike, xwe heger dujminên miletê wî û îcaxa wî bi xwe jî bin.

Ya rast Heyder Şeşo ev yêk encam da û li gorî dukyomentên komîta bergiriyê ya Parlimena Îraqê, wî nêzî 2 hezar çekdaran ji navçeya Rebî’e û devera Şengalê kom kirin, qasî milyarek û 630 milyon dînar pere ji fermandarêtîya Heşda Şabî bi dest xistin.

Di rapora komîteya bergiriyê ya Parlimena îraqê de hatbû: “Rejîma Îranê bi rêya Partîya Karkerên Kurdistanê, hewla xapandina hinek kesatyên, Êzidî li devera Şengalê dikir, ji bo ku tevlî Heşda Şabî bibin û ji bo berijwendîya Îranê tev bigerin”.

Bersiv pir hêsane, navçeyên sînor yên bakurê Îraqê û Sûriyê ji bo Îranê cîyekê herî sitratecîke, ji ber ku Îranê raste rast bi Sûriyê ve girêdide, Şengalê dikeve di vê xetê de û “Hîlala Şî’î” ya Îranî ji bo navçeyê temam dike, ev navçe li jêr desthilata Kurdan û hozên sunne mezhebin, ev herdu jî naxwazin ji bo berjewnidîya Îranê tev bigerin, lewma ji bo Îranê girînge hêzên ku li Şengalê cî bigrin li jêr bandora wê bin, Heyder Şeşo, PKK ê û Heşda Şabî di xwestin vê yekê encam bidin, dixwestin gelê Êzidî di vê leyistoka qirêj de bi kar bînin, heger na, hebûna parastina rometa gelê Êzidî di hesaba Heyder Şeşo de xeyaleke tuneye.

Êzidîyan li çi demekê Heyder Şeşo nas kir?

Heyder Şeşo, ji dema hewla tevlîkirina çekdarên Êzidî li gel Heşda Şabî, hevalbendekê bi hêz yê PKK ê bû, paş desteser kirina wî, li dijî PKK ê û Heşda Şabî derket û daxuyanî dan, carna li gel YNK ê bû û carna li dijî rêbaza Mam, carna xwe nêzî PDK ê dikir, carna li dijî PDK ê di axivî, lê belê ev hewlên wî bê êncam man, ji ber ku gelê Êzidî Heyder Şeşo yê bê mask nas kir, wan fêm kir ku ev kes berjewendî xwaze û Êzidîxanê tu girîngîya xwe li cem nîne, bi gotineke din Heyder Şeşo yê ku beşeka Êzidîyan hêvî pêre ava kirbûn, ji bo wan xweya bû ku ew Mercaneke saxteye û bi kêrî wan nayê.

Paş bi dawî bûna şerê dijî terora DAÎŞ ê, Heyder Şeşo êdî bi awayekê cuda tev gerîya, wî xwest senga xwe ya caran li nava civaka Êzidî de vegerîne, PKK e jî ji bo vê amancê kete di xetê de û hemû piştigrî ji bo perçekirina civaka Êzidî da Heyder Şeşo.

Yekem hengava perçekirina Êzidîyan

Yekem hengava çêkirina duberekiyê di civaka Êzidî de, paş koça dawiyê a Mîr Tehsîn Beg, Mîrê Êzidîyan bi zelalî derket, wexta ku civaka Êzidî Mîr Hazim weke Mîrê nû hilbijartî, Heyder Şeşo û seydên wî yên koma “Biratîya Gelan”, îlan kir ku ew danpêdanê bi mîrê nû nakin û xwest bi vê yekê rojevê bi guherîne û îradeya gelê Êzidî bixe jêr bandora PKK ê de.

Heyder Şeşo serkêşîya sînaryoyeke hemawa kir wexta ku Îxtiyarê mergehê Xirto Hacî Îsma’îl Babeşêxê Êzidîyan Xirto koça dawiyê kirî, gelê Êzidî Babeşêxê nû hilbijart û dîsan Heyder Şeşo hewla çêkirina doberekiyê kir û got: “Me di berê de dan pêdan bi Mîrê nû nekir, evca bi tu awa emê dan pêdanê bi Babeşêxekî bikin ku mîrekê ne mu’teref ew dest nîşan kirbe.”

Ya rast li roja 14 meha 11 ya sala 2020an, Mîr Hazim Mîrê Êzidîyan li gel Meclîsa Rohanî û nêzî 200 serok eşîr, oldar, muxtarên gundên Êzidîyan de civîya û Babeşêxê nû yê Êzidîyan hilbijartin.

Heyder Şeşo di wê civînê de beşdar bû û nerazîbûna xwe îlan kir, piştre vegerî Şengalê û roja paştir bi alîkarîya PKK ê û YNK ê, hejmareke serok eşîrên Êzidîyan li Şengalê kom kirin û ji bo wan axivî û got: “Ev Mîr û Babeşêx ji hêla layenkî siyasî hatine dest nîşan kirin” û bi vî awayî îradeya gelê xwe yê Êzidî jêr pê kir.

Heyder Şeşo û Qasm Şeşo li ser navê PDK ê Êzidî li dijî hev radkirin

Li gor agahiyên pêgeha Darka Mazî, paş civîna Heyder Şeşo û PKK ê li gel serok eşîrên Êzidî yên Şengalê, li roja 16 meha 11 ya 2020an, kesê bi navê “Ferec Silêman” ku berpirsekê YNK ê ye li komelgeha Mehetê, form li ser muxtarên gundên Êzidîyan bi navên “Mehmûd Mam Reşa, Muqbilê, Kendalî, Bêtnarê, Mosekan û Mehetê” li derbara hilbijartna Babeşêxî parve kirin û ji wan xwest wê formê ji bo piştigrîya Ferhad Xirto Hecî Êlyas îmze bikin.”

Heyder Şeşo rasterast form li ser kesayetiyên Êzidî bi rêya “WhatsApp”ê li ser navê PDK ê şandine û heman daxwaz ji wan kirine piştgiryê bidnin “Ferhad Xirto”, Qasim Şeşo heman kar encam daye û li ser navê PDK ê ev form şandine.

Gelo Heyder Şeşo dixwaze çi bike?

Paş şekestinên Heyder Şeşo yên bi cî kirina pîlanên Îranê, Heşda Şabî û PKK ê, niha ew ketîye nava hewlên mezin de ji bo perçe kirina civaka Êzidî, ji ber ku her ku diçe pîlanên wî yên ne diberjewendîya Êzidîyan de pêtir zelal dibin, lewma pêwîste li vir Êzidî van tuxme kesên weke Heyder Şeşo baş nas bikin, pêwîste bizanbin ku ev ne ji bo civaka Êzidî û Êzidîxanê tev digerin, belku mîna “Tûtyan” anko”bebexayan” lê hatine tenê wê tiştê dibêjn ya ku bi guhê wan de tê bang kirin, bi gotine din, kanê bi tu awa karta “Îskambîlê” anko karta Joker ku wêneya qeşmerekî li sere û carna li şûna her kartê, dikare bê bikaranîn, Heyder Şeşo jî niha bi wî awayî ji bal dijberê civaka Êzidî ve li dijî Êzidîyan tê bikaranîn.