Bi sedema teqînekê ku îro li Kabula paytexta Efxanistanê çêbûye, cêgirê waliyê Kabulê yê bi navê Mehbubulla Muhîbî canê xwe ji dest da.
Berdevkê wezareta navxwe a Efxanistanê, Tariq Aryen daxuyanî ji bo medyayê da û got ku îro roja sêşemî 15/12/2020an li navçeya bi navê Mîkroreyan-4 a navenda Kabulê, bombeke çandî bi otombêla cêgirê waliyê Kabulê Mehbubulla Muhîbî teqîya û bi wê sedemê canê xwe ji dest da.
Dest nîşan kir, Mehbubulla Muhîbî li gel sekreterê xwe di otombêlê de bûn û herdu kesan canê xwe ji dest da, dû ji zêrevanên wî jî birîndar ketine.
Berdevkê wezareta navxwe a Efxanistanê dibêje: hîna niha tu alîyan berpirsyarîya vê teqînê hilnedaye serê xwe, lê belê guman heye Tevgera Talîbanê kirbe, ji ber ku vê tevgerê kiryarên terorê yên hemawa li Kabulê encam dane.
