Ax Bêhzad – Beşa «1»

30/05/2021
in Nerîn

  • Simko Ebdulezîz

Ax Bêhzad, naveroka nvîsekê ye ku ajansa ANF bi navê “J. T” li 26/5/2021an hatîye parve kirin.

Mebesta nivîskarî şehîdê ku li roja sêşemî 18/5/2021an li himberî baregeha NY li ber çavên hin medyakaran xwe şewitandî û piştre can day ku ji şêniyên Rojhilata Kurdistanê ye û penaberî Başûr bûye.

Naveroka vê nivîsê çar xalên sereke li xwe digre:

  1. Hikûmeta Başûrê Kurdistanê bi sedema xweşewitandina wî ciwanî dide nas kirin û dibêje: ji ber ku li Başûr azadîya raderbirînê tuneye û jiyana abûrî ya şênîyan ketîye di xeteriyê de, loma ji encama nerazîbûna vî ciwanî ji hikûmeta Kurdî wî xwe şewitandîye.

  2. Pêwîste hikûmeta Kurdî li dûv têza birêz Abdulla Ocalan ku mudernêta demokratîk li xwe digre û naveroka vê têzê bi modêleke konfêdirlîsta demokratîk tê ber çav kirin.

  3. Nedbû ku Bêhzad were Başûr cî bigre, belku pêwêst bû ew derbasî Rojava Kurdistanê biba, ji bo ku  li wir jiyaneke bi rumet jiya ba û canê xwe ji dest neda ba.

Bi rastî vê nivîsê bala min kişand û min xwend, her çend ku ez baş fêm dikim ku medyaya PKKê weke medyaya Fîdêl Kastro ye ku kêm caran rastîyan dibêje, demê ji xwendina nivîsê bi dawî bûym, ez gihîştim wê rastiyê ku ne niviskarê vê mijarê û ne sernivîskarê vê ajansê li Başûr cî nagirin û agahiyên wan li derbarê Başûr tunene, yan jî wan ageh ji Başûr heye lê belê sûnd bi serokê partîya xwe xwarine ku yek kelamê rast li ser Başûr nenivîsin, çawa?

  1. Ev birêze heya niha nizane ku hikûmeta Başûrê Kurdistanê hikûmetek herêmî û girêday hikûmeta Îraqê ye, di van cure hikûmetan de siyaseta derve girêday wezareta derve a Îraqê ye.

  2. Di curên wek hikûmeta Başûr de li gor yasaya navdewletî karîn nînin bi awayekê raste rast reftarê bi penaberan bike, belku pêwîste li jêr sîbera NY reftarê bi wan re bike, ango kar û barên penaberan erka NY bi giştî û hikûmeta Kurdî bi erka locistî karê xwe encam dide.

  3. Pêşî kak Bêhzad xwe bi şewitîne wî ji bo dezgehên medyayê axivîye û di axaftina wî de ne ji dûr û ne ji nêz rexne li hikûmeta Kurdî li Başûr negirit û paş xweşewitandinê jî tu kes û karên wî û tu penaberên Rojhilat rexne li hikûmetê negirtine belku hemû mukir bûne ku rexnê li NY bigrin, NY nikarîye weke pêwîst li gor nerîta penaberan reftarê bi wan re bike, belku ew pişt guh xistine û ew erka li ser milên xwe hildaye ser milê hikûmeta Kurdî û barê hikûmeta Kurdî giran kirîye.

Nizanim nivîskarê gotarê yan sernivîskarê ajansa ANF ê di “guhê gay” de razayne yan xwe bê fam dikin, çunke cîhan hemû dizane ku niha ji rûniştvanên Başûr 50% penaberin û ji 90% ji van penaberan şêniyên her çar perçeyên Kurdistanê ne, ji encama sitratejîya hikûmeta Kurdî ji boy doza Kurdî, ev bûye eger ku Başûr bibe landika vehewandina penaberên Kurdistanê.

Ev mijar didome

Tags:

Pustên heman beş