Parlamentoya Kurdistanê piştî qonaxeke dirêj a rawestanê, bi biryardarî û îradeyeke xurt careke din hat çalakirin û dest bi karên xwe kir. Ev gava dîrokî careke din nîşan da ku îradeya gel ji her astengî û berjewendiyên teng zêdetir e û di encamê de îradeya gel bi ser ket. Lê belê, tevî vê gava girîng a ji bo parastin û bihêzkirina Herêma Kurdistanê, hin alî û kes dest bi rexnekirina wê pêvajoyê kirine; bi taybetî jî ew kesên ku êrîşî wan parlamenterên ne-PDK’yî dikin ku tevlî vê rûniştinê bûne.
Rûreşiya Siyasî û Rexneyên Dûrî Mantiqê li Dijî Parlamenteran
Ew rexneyên ku li parlamenterên ne-PDK’yî yên beşdarî rûniştinê bûne tên girtin, bi tu awayî bi pîvanên demokratîk û nîştimanî re nayên girtin. Tê pirsîn: Gelo eger Nifşê Nû bi YNKê re hevbeşiyê pêk bîne ev ne xiyanet e, lê eger parlamenterek ji bo xizmeta gel û çalakbûna saziya xwe ya destûrî tevlî parlamentoyê bibe, dibe “xfiroşî û xiyanet”? Ev dufirokiya siyasî ya hin aliyan bi eşkereyî nîşan dide ku armanca wan ne berjewendiya gel e, belkî parastina berjewendiyên teng ên partiyî ne. Gelo eger YNK û Nifşê Nû bikaribûna heta niha heman kar nedikirin? Çima dema ew bi hev re tevdigerin dibe “hevgirtin”, lê dema parlamenterên din li ser erkê xwe yê qanûnî radiwestin dibe hedefa reşkirinê?
Di vê pêvajoyê de, helwesta YNKê jî gelek pirsan dixe ser rojevê. Çima YNK li Iraqê bi awayekî siyasetê dike, lê li Herêma Kurdistanê bi awayekî berevajî tevdigere? Çima dema di lîstikeke siyasî de YNK biser bikeve ev tê wateya “goltomarkirin û serkeftinê”, lê eger Partî (PDK) heman tiştî bike an ji bo berjewendiya giştî gavê biavêje, ew wekî “tekdana yekdengiya kurdan” tê pênasekirin?
Her wiha ev pirs bi awayekî cidî li pêşiya raya giştî ye: Çima YNK li Iraqê bi awayekî zelal bi sazana nîştimanî re nîne û li gorî berjewendiyên xwe tevdigere, lê dema dor tê Kurdistanê dibêje “ev rûniştin ne yasayî ye ji ber ku sazana nîştimanî û rêkeftina siyasî ya derveyî parlamentoyê berwext nehatiye kirin”? Ev nêzîkatî nîşan dide ku hin alî dixwazin parlementoyê û biryarên wê ji bo berjewendiyên xwe yên teng bindest bikin.
Çalakbûna parlamentoyê ne li dijî tu aliyekî ye, belkî serkeftina destûr û qanûna Herêma Kurdistanê ye. Divê her kes bizane ku parastina saziyên gelê Kurdistanê li ser berjewendiyên partiyî ye û çalakbûna parlamentoyê pêngaveke girîng a bo pêşerojê ye.
