Îbrahîm Ehmed ajanê PKKê bû!
Dilê min ji boy hêzên gerîla pir dişewite, piraniya gerîla çi kur çi keç kesên wilatparêz û fedakarin, wan ji boy armanceka pîroz dest ji tev xweşîyên dinê kişandiye, lê ketîne di bin siyaseteke şaş a PKKê de, yên ku bûye gerîla ji boy azadiya Kurdistanê û damezrandina wilateke serbixwe bûne gerîla, lê serkirdatiya PKKê wan gerîlayan ji boy cîbicîkirina Mîsaqa Millî û îdolojiya Kemalîstî bikar tînin.
Wusa dixuye ku serkirdatiya PKKê li ser sê beşan parve bûye:
Kesên di asta serkirdatiyê de û bawerî bi Kurdistana serbixwe heyî, piraniya van kesan canê xwe ji boy azadiya Kurdistanê kiriye qurban, PKKe jî bazarek siyasî li ser xwîna van kesan dike û bi tenê hin caran ji boy bi xwe ve girêdana malbatên wan, wêneyên van kesan di medyaya xwe de parve dike û pesna wan dide.
Beşa diduyan a serkirdatiya PKKê dîsan ew kesin ku bawerî bi azadiya kurdan û Kurdistana mezin heyî û îro ji PKKê qut bûyî û li dervey rêxistina PKKê xebata xwe ya siyasî didomînin û jiyana wan hertim di xetereyê deye, ev xeterî ne ji aliyê dujmin belku ji aliyê PKKê bixwe dikeve ser jiyana wan.
Kesên ku îro serkirdatiya PKKê dikin sê curin, lê di yek tiştî de hevbeşin ew jî Tûtî bûyîna wane.
Tûtî yek ji wan balindeyane ku kesatiya wê a serbixwe tuneye, her kes dikare bi xwedî kirina Tûtyekî tişta ku ew dixwaze bi wê bide gotin, vê yekê her kes baş dizane. Serkirdatiya niha ya PKKê jî ew Tûtî ne ku ji aliyê Ocalan ve hatine xwedîkirin û gotinên tevlîhev yên Ocalan bera 30 salan fêrî wan kirîn, bi berdewamî dubare û debare û…..dikin, cudahiya di nêvbera Tûtîyên ku Ocalan xwedî kirî û Tûtîyên dirist bi tenê eve ku temenê Tûtîyên Ocalan pirr dirêjtir e!
Pirsa li vir serhildide eve, gelo kî tûtîyên Ocalan fêrî axaftinan kirine?! Bersiv pirr hêsane, ji aliyekî Ocalan niha ji îmraliyê re wan fêrî gotinan dike, ji aliyek din saziyên îstixbaratî yên dewletên dagîrkerên Kurdistanê.
Kesên di serkirdatiya niha ya PKKê de li ser sê beşan parve dibin:
Beşa yekemîn, ew kesin yên ku di bin destê Apo hatine perwerdekirin û kesatiya wan jinav biriye û ew kirîine tûtîyên xwe.
Beşa duyemîn, ew kesin yên ku di zîndana Diyar Bekir ê de teslîm bûyî û îtîraf liser hemî nihênîyên PKKê kirî û bûyne şagirdên îstixbarata Tirkiyê.
Beşa ssêyan, ew kesin ku ji boy destxistina pere, bazirganiyê bi pirsgirêka kurdî dikin û ketîne bin kontrola saziya îstixbarata Îranê ya bi navê îtîlaat.
Ev sê cureyên endamên serkirdatiya PKKê ku weke tûtîyan hatine xwedîkirin, gerîlayên wilatparêz ji boy armancên xwe bikar tînin, her gerîlayek ku gotinên van tûtîyan cîbicî neke wê bi awayên cuda cuda bi destê PKKê bi xwe werin tesfiyekirin.
Kesên niha serkirdatiya PKKê dikin û li saziyên medyayî derdikevin, kesên pirr nezan in, nezanîna wan gihiştiye astekî ku her kes hinekê bi baldarî guhdariya gotinên wan bike wê bikare di nav gotinên wan de hin gotnên berevajî û hevdij bibîne.
Mînaka herî zindî ji boy îspatkirina axaftina me, gotinên vê dawiyê yên Mistefa Qarasû ne, dema mistefa Qarasû li ser nakokîyên nava YNKê de gotî: “em naxwazin mudaxeleyê di nava karên YNKê de bikin, jiberku ev kar wê zirarê bighîne pirsgirêka netewî ya kurdan û rehmeta xwedê lê be Îbrahîm Ehmed nîv YNK’eyî û nîv PKK’eyî bû.”
Li virr pirs eve: gelo qey mudaxeleya PKKê di nava başûrê Kurdistanê de û di karên Hikûmeta Herêma Kurdistanê de zirarê nagihîne pirsgirêka netewî ya kurdan? Lê mudaxeleya we di nava partîyekê de wê zirarê bighîne vê pirsgirêka ewqas mezin? Erê YNKe mezintire yan Hikûmeta Herêma kurdistanê?
Gelo qey tu fêm nakî dema tu dibêjî Îbrahîm Ehmed nîv PKK’eyî bû nîv YNK’eyî, ev bi çi wate tê? Gelo tu fêm dikî ku axaftina te bi vê wateyê tê ku Îbrahîm Ehmed rêxistiyê PKKê bû di nava YNKê de? Gelo tu fêm dikî tu bi awayekî dibêjî ku wî ji boy PKKê di nava YNKê de kar dikir?? Anku tu dibêjî Îbrahîm Ehmed ajanê me bû di nava mala Celal Talebanî de?
