Şêwirmendê berê yê Asayîşa Netewî ya Amerîkayê ragehand, çareseriya herî baş jinavbirina sîstema hukimraniya Îranê ye.
Şêwirmendê berê yê Asayîşa Netewî yê Amerîkayê John Bolton ragehand: ‘’Rêkeftina atomî ya welatên 5+1 li gel Îranê gelek xalên xirab têde ye.
Bolton got: Sîstema hukimraniya Îranê piştevaniya gel bixwe li wî welatî jê re tine û pêwîste nakokiyên di navbera desthilatdarên bilind ên Îran û sipaha pasdaran de bên ava kirin.
Şêwirmendê berê yê Asayîşa Netewî yê Amerîkayê dibêje, çareseriya herî baş di cîha rêkeftina atomî de jinavbirina sîstema hukimraniya Îranê ye û piştî hilweşandina wê desthilatê, pêwîste stratejiyek bê danîn ku desthilata nû bê dûrxistin ji bidestanîna çekên atomî.
Rêkeftina atomî ya Îran û welatên 5+1 di sala 2015ê de li bajarê Lozan a Swîsrê hate îmza kirin û li gor wê rêkeftinê dê dest ji çêkirina çekên atomî berde û Amerîka jî cezayên li ser wî welatî dê sivik bike.
Şeva 08.5.2018ê serokê Amerîkayê yê wê demê Donald Trump biryara vekêşîna Amerîkayê ji wê rêkeftina atomî ya Îran û welatên 5+1 îmza kir.
Welatên 5+1 pêktên ji pênc welatên endamên daîmî yên encûmena asayîşa navnetewî yên Amerîka, Fransa, Rûsya, Brîtanya û Çîn û li gel wan jî Almanya.
