Artêşa Amerîka ragihand, wan îro Duşemê serkirdeyekî diyar ê rêxistina El-Qaîde li Idlibê kirine armanc.
Fermandariya Navendî ya Artêşa Amerîka di daxuyaniyekê de ragihand, serkirdeyê di El-Qaîde de Ebû Hemze El-Yemenî bi tena xwe li ser motorsîklekê bû dema hatiye armanckirin û di êrîşê de ziyan negihîşt ti sivîlên din.
Got jî: “Armanckirina vî serkirdeyê navdar, dê karîna El-Qaîde ya pêkanîna êrîşan li dijî welatiyên Amerîkî, li dijî hevkarên me û li dijî sivîlên bêguneh li seranserê cîhanê asteng bike.”
Ji aliyê xwe ve, tora “CNN” li ser zarê karbidestekî haydar ragihand, Amerîka gelekî bawer e ku wê di êrîşa firokeya bê firokevan de Ebû Hemze El-Yemanî kuştiye.
Ev operasyona duyemîn e ku hêzên Amerîkî di meha Hezîranê de li dijî serkirdeyekî cîhadî li Sûrîyê pêk tîne.
Roja 16ê vê mehê, hêzên Amerîkî di operasyonekê de li bakurê Helebê serkirdeyekî navdar ê DAIŞê yê bi navê Hanî Ehmed El-Kurdî desteser kiribû.
