Di dema hefteyekê de balafirên bêmirov yên dewleta Tirkiyê 8 caran bombe li bajar û bajarokên Rojava Kurdistanê barandine, bi tevahî 15 kesan jiyana xwe ji dest dane û birîndar bûne.
Nerîngeha Sûrî ya mafên mirovan îro roja çarşemî 10\8\2022 amara êrîş û zirarên êrîşên dewleta Tirk li ser navçeyên jêr kontrola Rêveberîya Xweser eşkere kir û ragihand ku di hefteyekê de dironên Tirkiyê 8 caran êrîş encamdane, bi tevahî 15 kesan jiyana xwe bi sedemê wan êrîşan wenda kiriye û birîndar bûne.
Li gorî Nerîngeha Sûrî, du zarok di êrîşan de hatine kuştin, 7 şervanên HSDê û YPGê, her wiha 6 kesên din birîndar bûne.
Tirkiye gefa desitpêkirina êrîşeke mezin li ser Rojava Kurdistanê dike ji bo ku herêmeke ewle li wir ava bike, PKKe û baskên wê yên Rojava jî hêjan bi bilindkirina wêneyên Ocalan û diruşmeyên PKKê bêhtir îstifzaza Tirkiyê dikin û bêhtir artêşa dewleta dagîrker kêş hundirê Rojava dikin.
