Li navçeya Silopî ya ser bi parêzgeha Şirnexê di navbera du malbatan de şer û pevçûn derket û di encama şer de kesek hat kuştin û 2 kes jî birîndar bûn.
Hat ragihandin ku li taxa Harun Boy a navçeya Silopî ya Şirnexê, di navbera du malbatên xizmên hev de ji ber nakokiyekê pevçûn derket û bû şerê bi çekan.
Di bûyerê de welatiyê bi navê Reşît Karahan canê xwe ji dest da û kurê wî û birayê wî Fehmî Karahan birîndar bûn.
Piştî agahdarkirinê, tîmên polîs û tendirustiyê gihîştin cihê bûyerê. Kuştî û birîndar bo Nexweşxaneya Dewletê ya Silopiyê hatin rakirin.
Hat diyarkirin ku gumanbarê bi navê S.C hat desteserkirin.
