Wezareta Berevaniyê ya Tirkiyê kuştina efserkî Tirkiyê li herema Zapê ya Başûrê Kurdistanê ragihand.
Li gorî daxuyaniya Wezareta Berevaniyê ya Tirkiyê, li Zapê di encama şerekî ligel gerîlayên PKKê de efserê bi navê Faîm Bozkurt birîndar bûbû, piştre jî li nexweşxaneyê canê xwe ji dest daye.
Artêşa Tirkiyê ji roja 18ê Nîsana 2022an ve, li deverên Zap, Avaşîn û Metîna yên di nav axa Herêma Kurdistanê de dest bi operasyona bi navê Pence-Kilîtê kiriye.
Di vî şerê ku ev zêdetirî şeş mehan e dewam dike de, li gorî amarên fermî, nêzîkî 70 leşkerên Tirkiyê hatine kuştin.
